الرئيسيةالتسجيلاليوميةس .و .جبحـثالأعضاءالمجموعاتدخول

شاطر | 
 

 وصفة لتطويل الشعر في اسبوع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lamiss2010



عدد المساهمات : 5
تاريخ التسجيل : 06/10/2009

مُساهمةموضوع: وصفة لتطويل الشعر في اسبوع   الثلاثاء أكتوبر 06, 2009 5:56 pm

وصفه لتطويل الشعر في اسبوع
المقادير هي :
علبة زيتجوز الهند تلاقينه عند العطار + زيت زيتون + قشر 7 موزات <<<<وزعي على اخوانك الموز لين تجيبين العدد (( او سوي سلطة فواكه لاهلك وخذي القشور))
الطريقه هي :
حطي علبة جوز الهند كلها بالخلاط واذا فضت العلبه حطي فيها زيت زيتون لين تصير كمية زيت الزيتون نفس كمية جوز الهند
بعدين حطيهم بالخلاط وحطي معاهم قشر الموز ..
لما يصير خليط حطيه على نار هادئه لمدة ربع ساعه
واذا خلصتي حطيه بعلبه وبعدين بالثلاجه لكي لايتأكسد <<<< يعني عشان مايخرب
ملاحظه :
اول ما تستعملينه حطيه على شعرك ثلاثة ايام ورا بعض
ثم مره كل اسبوع وانتبهي لا تخلينه على شعرك اكثر من ساعتين (( اضبطي المنبه )):time:
وعقبال شعوركم وشعري يطوووول ويصير حلووو


وصفه تطويل الشعر في اسبوع
________________________________________
اليوم جايبه لكم وصفه واتمنى الكل يجربها ويردد بالنتيجه هنا امانه ...


الوصفه هذي عندك بالبيت ورح تطول شعرك وتنعمه في خلال اسبوع من الاستعمال
تأخذين زيت نارجين وتحطينه في قدر على النار ::: وتكون النار خفيفه يعني وتضيفين فص ثوم كامل :::
وتححركينه خفيف :::
وتطفين النار وتتركينه لحد ما يبرد وتصفينه في قاروره وتحطينه في الثلاجه وبعد يومين تبدأين باستخدامه :::
يعني تفركين فروة الراس بالخليط وتتركينه على شعرك اقل شي اربع ساعات ولا تنسين تغطين شعرك
وتتروشين بعدها واستخدمي جونسون الشامبو
لا تنسين تقيسين طول شعرك قبل ماتستخدمين الخلطه


يعني هي كل اسبوع 3 سنتي


ولا تخافين من ريحة الثوم مارح تحسين في اي شي


اتمنى من كل الي يجربها يرد هنا اذا نفعت معاه او لا بالنسبه لي انا وبنت عمي الصراااااااااحه نفعت ومره تهبببل


شعري تغيررررر ورجعت له الحيويه يعني

في انتظار ردودكم قبل وبعد التجربه












تعالوا شوفوا السر في تنعيم الشعر والطول ؟؟!!!! لا يفوتكم بسرعه !!!؟ <~
________________________________________
السلام عليكم ورحمة الله وبركاته

اليوم جبت لكم مجموعة خلطات كلها مفيده لتنعيم الشعر وتطويل الشعر ، بس يبي منكم الصبر وطولت البال

لان الشيء ما يجي في يوم وليله تراه هذه الخلطات مجربه وانشاء الله تعجبكم وتسوي لكم نتائج مرضية

وطيبة في نفس الوقت يلا نشوف الخلطات .


* خلطة لتنعيم الشعر بالموز : -
المقادير : قشر موز مجفف ومطحون + مايونيز + زيت الخروع + زيت الزيتون


اخلطيها مع بعض وخليها نصف ساعة على شعرك

جربيها ما تخسري شيء


* خلطة البيض والعسل : -
عباره عن : مايونيز + بياض بيضه + عسل + اي زيت موجود عندك ( الافضل زيت الخروع )

اخلطيها مع بعض ممكن ان تضعيها على شعرك قبل الحمام بساعه


* خلطة لتنعيم الشعر الخشن : -
تجبين موية قوارير وجالون كبير وتحطي فيه ورق حنه كمشة بيدك وتجبيي فنجان ونصف قهوة وتجبيي محلب

مطحون نفس كمية القهوة وتحطي المكونات في المويه وتحطي بعد ملعقة صغيره ملح عادي ( حق الاكل )

وتخلي الخلطه لمدة اسبوع كامل وعند الاستخدام رجيها

طبعا هذه الخلطه مجربه واحدة حطتها على شعرها صار شعرها كا لحرير الي يشوفه يحسبه تنعيم استشوار

جربوا وشوفوا النتيجة بنفسكم


* خلطة الحلبه لتنعيم الشعر وتطويله :- 4 كأسات زيت عافيه

2 كاس حلبه مطحونه

الطريقه : اخلطي الزيت مع الحلبه جيدا وضعيها على النار فقط قليلا حتى يأخذ الزيت الحراره ثم ضعيه في علبه

وعند الاستخدام رجي العلبه جيدا تستخدم في الليل يوميا أفضل ثم تغسل بالشامبو

لا تخافوا من الريحه الريحه روح مع الغسيل الجيد وبعد في بخور حطيه لشعرك


* خلطة الجرجير لتطويل وتنعيم الشعر : -
جرجير طازج + علبة جوز الهند او اضافة اي زيوت معها اخرى

الطريقة : تاخذي حزمة من الجرجير وتحطيها في الخلاط + علبة الزيت وتتركيها يوم كامل بعدين تلاحظي ان الزيت


يطلع فوق خذي من الزيت وحطي لشعرك بس لازم تسوي مساج ونتي تحطي الزيت وتتركيه ساعتين وتغطيه


بكيس وبعدين تغسليه بالشامبو

* ملاحظه *
ينحط مرتين في الاسبوع خلال شهر




الخلطه الهنديه
________________________________________
الخلطه الهنديه العجيبه لانبات واطاله وليونه ولمعان الشعر

بسم الله الرحمن الرحيم


السلام عليكم عزيزاتي اليوم بقول لكم تجربتي مع هالخلطه الهنديه .

بصراحه هالخلطه عطتني اياها هنديه في صالون وقالت لي لا تقولين حق حد بس انا ابي الاجر والله يشهد ان اللي قالته لي طلع كله صح قالت لي ان هم في الهند يسوون هالطريقه وانا بصراحه سعيده جدااا بالنتائج والله يابنات شي عجيب ....

هذي الخلطه تنبت الشعر 100% وايضا تخليه طري وناعم ولامع وتطوله بعد


الاشياء اللي نحتاجها
1- زيت Anoop تحصلونه في محلات الهنود هو زيت لون علبته خضراء

2- زيت جوز الهند حتى لو كان برشوت لان برشوت ايضا جيد

3-زيت اللوز

4-زيت الخروع

5- ماء ساخن

6-فوطه خاصه للشعر ((طبعا بتوصخ))

7- كاب للشعر

8-قطن الخاص بالوجه

9-ورق نايلون ((الخاص بالاكل))

الطريقه : :


تاخذين طاسه صغيره وتحطين الزيوت بكميات متساويه وتكثرين من جوز الهند ...

الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه

فهمتووو شلون اعتقد سهله يعني نوزع الزيت في الشعر عن طريق القطن لانه يدخل كميه للفروه

لين خلصتوووو الحين نسوي تدلين باطراف الاصابع مانضغط بقوه تحملوووو يطيح الشعر هالطريقه

بحركات دائريه بخفه نركز على الفروه مهب الشعر .

الحين بعد ماخلصنا من وضع الزيت في الشعر و التدليلك نلفه بطريقه محكمه ...

الحين ناخذ النايلون ونلفه على الشعر كله مانخلي مجال للهواء تحملوووو الزيت يوصل للجبهه لانه ينبت الشعررر مب تقولوووون انا ماقلت

ونحط الكاب على النايلون ...

نحط الفوطه في الماء الساخن ((تحملو تحرقون ايديكم )) ونعصرها زين مازين ....

بس نحاول ان البخار يتم فيها ونحطه على الراس ونلفه مثل (((سندباد )) هههههههههههه يعني عمامه

لالا ااتغشمر وياكم بس لازم تلفينها بطريقه ان الحراره اتم في الفوطه ....

ونخليه لين تبرد الفوطه بامكانا نكرر هالعمليه اللي هي الفوطه

بس لازم لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه ...


وصدقوني مايكمل 3 يوووم الا النتايج طالعه ... واستمرووو عليه لمده شهر على الاقل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fatima

avatar

عدد المساهمات : 57
تاريخ التسجيل : 26/11/2009
العمر : 24

مُساهمةموضوع: رد: وصفة لتطويل الشعر في اسبوع   الأربعاء يوليو 06, 2011 7:58 am

شكراااااااااااااااااااااا على المعلومة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وصفة لتطويل الشعر في اسبوع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى عالم حواء-
انتقل الى: